கசியும் மௌனம்: கீச்சுகள் தொகுப்பு

தொடரும் எதுவுமே ஒரு கட்டத்தில் தனக்குள் ஒரு போதையை அல்லது சலிப்பை ஏற்படுத்திக்கொள்கிறது.

அன்பு என்பது கிடப்பில் இருந்து அள்ளுவதல்ல, பால் போன்று சொட்டுச் சொட்டாய் சுரப்பது!

எல்லாவற்றிற்கும் பதில்கள் தேவையா!?

பாறைகளின்றி அருவி ஏது...! எனினும்... நீரில்லா அருவியில் பாறைகளை ரசிப்போர் யார்!?

வெறுப்பின் திரி முனைப் பசிக்கு நெருப்பையா பரிசளிக்கப் போகிறீர்கள்...!?

மீதி விரல்கள் வழக்கம்போல் நம்மையே சுட்டுவதை மறந்து, யாராவது செய்வார்கள், செய்யவேண்டும் எனும் விரல் சுட்டல் வழக்கம்போல் தொடர்கிறது!

உலகப் பேரதிசயங்களில் மகத்தானது "மனம்"

ஒரு இரவென்பது வெளிச்சமின்மையும், இருள் படர்தலும் மட்டுமல்ல அல்ல. இன்னொரு நாளை எதிர்கொள்ளத் தயார்படுத்துவதற்கான ஆசுவாசம்.

கேள்விக்கு தேவையான அளவிற்கும் கூடுதலாக பதில் தருகையில், அந்த காரணத்திற்காகவே புதிய கேள்விகள் வருகின்றன.

இதழின் வழி உயிரில் புகும் முத்த மது!

நேசிப்பு ஒரு மொழியாக...

சில தாமதங்கள் நல்லதுக்குத்தான்.

அலை கடலில் இரையெடுக்க தாழப்பறக்கும் பறவையின் சிறகுகளில் படியும் உப்புக்காற்றின் ஈரமாய் தாழிடப்பட்ட மௌனம்!

தன்னை நேசிக்கின்றவர்கள் ஒருபோதும் 'தன்னைக் குதூகலப்படுத்திக் கொள்ளும்' வாய்ப்பினைத் தவற விடுவதேயில்லை.

முற்றுப்புள்ளியில் முத்தம் பதிக்கிறாள் ஈரத்தில் புள்ளி கரைகிறது கடைசி வரி நீள்கிறது!

'இதெல்லாம் சமாளிக்கக் கூடியது’ என்பது சமாளித்துவிட்ட பிறகே தெரிய வருகிறது!

பல நேரங்களில் அணிந்திருக்கும் கண்ணாடியும், அதில் பூசப்பட்டிருக்கும் வண்ணங்களும்தான் நம் பிரச்சனையே!

நதியின் நகர்வில் நிலவு குளிக்கின்றது நினைவுகள் நனைகின்றன! :)

ஊழலுக்கும் கருப்பு பணத்திற்கும் என்ன வித்தியாசம்? உடலுறவுக்கும் கர்ப்பத்துக்கும் இருக்கும் வித்தியாசம் தான்! ;)

வாழ்தல் காலம் பேசும் வரலாறு

மற்றவர்களால் கெட்டுப்போனவர்களை விட, தன்னைத்தானே கெடுத்துக் கொண்டவர்கள்தான் உலகில் அதிகம்!

திசையெங்கும் தேடித்தேடி வணங்கும் இந்த தேவதையின் வேண்டுதல் என்னவாய் இருக்கும்!

மரம் பொழியும் இரவு நிழலை என் செய்ய?

வாழ்க்கை எனும் மொழி!

முள் நுனி கொண்டா அன்பை எழுதுவீர்!?

மேகத்தைத் துளைத்துவிட்டு நனைய மறுக்கலாமோ!?

புரிதல் என்பது 'உண்மையை, உண்மையாகவே உணர முற்படுதல்’

இன்றைய மோகம் ஏங்கித்தவித்திருந்த இப்பெருமழையோடு!

வேர்களெங்கும் மகரந்தம்!

எவ்வளவுதான் புசிப்பதாம் எழுத்தை!

மகிழ்ந்திருக்கும் தருணங்களில் புகார்களுக்கும் குறைகளுக்கும், நெகிழ்ந்திருக்கும் தருணங்களில் வருத்தங்களுக்கும் வலிகளுக்கும் இடமேது.

கண்ணில் படும், காதில் விழும் எல்லாவற்றையும் மனதிற்குக் கொண்டு செல்வது மற்றும் சேமித்து வைப்பது கட்டாயமில்லை.

அன்பும் பிரியமும் தழுவும்போது, முன்பு போட்ட சண்டையின் உக்கிரத்தை நினைத்துப் பாருங்கள். உலகின் அதி அபத்தம் எதுவெனக் குழம்பித் தெளிவோம்!

நம் குழந்தைகளுக்கும் நமக்கும் இடையே இப்போது இருக்கும் நெருக்கத்தை, நாமும் நம் பெற்றோர்களும் அனுபவித்ததில்லை!

விரல்தொட்டு அழிப்பதன் மூலம் மட்டுமே சிலந்தி வலைகளின் உருவாக்கத்தை நிறுத்திவிட முடியாது

கசியும் மௌனம்